NOONG ISANG ARAW
nagdeyt na naman ang magsing-irog
bago pa ang araw ay lumubog
nagsama'y Bulaklak at Bubuyog
kumain muna't nagpakabusog
inulam sa karinderya'y sisig
panghimagas naman ay pinipig
ganyan sina Maganda't Makisig
na parang asukal pag umibig
maraming salamat, aking sinta
sa puto, kutsinta at bibingka
sa biko, suman at ensaymada
sa pagpupulotgata tuwina
sa isang salaminan nag-selfie
sa deyt ng Ginoo't Binibini
noong isang araw lang nangyari
habang sa ibang araw ay busy
- gregoriovbituinjr.
08.16.2024
Walang komento:
Mag-post ng isang Komento