kung ako'y mamatay, nais kong masawi sa laban
ayokong mamatay nang tahimik lang sa tahanan
mananatili akong tibak hanggang kamatayan
nais kong mamatay sa prinsipyo't paninindigan
kung ako'y mamatay, ayokong mamatay sa sakit
kundi sa pakikibakang obrero ang gumuhit
ayokong mamatay sa ospital, biglang pipikit
kundi sa labanan gaano man ito kalupit
buti't sa digma'y mamatay tulad ni Archimedes
na may pormula sa matematikang kinikinis,
nilulutas, sa likod n'ya'y tumarak ang matulis
na espada ng isang sundalong di makatiis
ayokong mamatay sa gutom sa gitna ng digma
na kaya namatay dahil sa laban ay tulala
ayokong mamatay sa kanser, aksidente't sigwa
kundi sa labanan, lagyan man sa ulo ng tingga
- gregbituinjr.
Mag-subscribe sa:
I-post ang Mga Komento (Atom)
Huwag magyosi sa C.R.
HUWAG MAGYOSI SA C.R. ang paalala'y napakasimple: "Please no smoking. (Huwag magyosi.) Fire alarm may trigger." sisirena an...
-
ANG LABANDERO pag tambak na ang labada gawain ko ang maglaba damit ng anak, asawa, damit ng buong pamilya Perla ang gamit kong sabon at wala... -
SONETO SA TANAWIN nakasasabik pagmasdan ang magandang tanawin na kung isa ka lang agila'y nais mong liparin at pitong bundok na matatari...
-
ANG LIBRO thirty five pesos lang ang libro sa BookSale ko nabili ito bakasakali lang matuto sa taong binabanggit dito pamagat ng libro...
Walang komento:
Mag-post ng isang Komento