kabataang tibak pa lang ako'y sumumpang tunay
sa pagyakap sa prinsipyo ng simpleng pamumuhay
hindi magpayaman, hindi magpahinga-hingalay
pagkat buhay ay sa pakikibaka na inalay
ako'y tibak na lipunang makatao'y pangarap
nakikibaka upang masa ginhawa'y malasap
pagkat tulad ko'y Katipunerong yakap ang hirap
walang panahon upang sa buhay ay magpasarap
nagsisikap itayo ang lipunang makatao
habang binabaka ang salot na kapitalismo
isinasabuhay ang Marxismo at Leninismo
pati diwa ng Kartilya'y itinataguyod ko
simpleng pamumuhay ang niyakap ko bilang tibak
ito ang panuntunan ng prinsipyo't tinatahak
handa pa rin sa pagkilos, gumapang man sa lusak
hanggang ang sistemang bulok ay ating maibagsak
- gregbituinjr.
Mag-subscribe sa:
I-post ang Mga Komento (Atom)
Paalala para sa Disyembre 9: International Anti-Corruption Day
PAALALA PARA SA DISYEMBRE 9: INTERNATIONAL ANTI-CORRUPTION DAY higit isang buwan pa ang palilipasin ay talagang pinaghahandaan na natin ang ...
-
ANG LABANDERO pag tambak na ang labada gawain ko ang maglaba damit ng anak, asawa, damit ng buong pamilya Perla ang gamit kong sabon at wala... -
TIPANAN deyt namin ni misis dahil anib ng aming kasal, muling nagsanib ang aming pusong talagang tigib ng pagmamahal sa isang liblib na milk... -
UPOS SA PASO sa palengke'y nagtungo ni misis nabili'y isang tumpok na isda okra, itlog, sangkilong kamatis nang may makitang ikinabi...
Walang komento:
Mag-post ng isang Komento