Martes, Hulyo 25, 2023

Basta Bruce Lee

BASTA BRUCE LEE

pag post ko'y hinggil kay idol Bruce Lee
aba, ang nagla-like ay kayrami
dahil sa paksa'y nabibighani
pag-like nila'y kaygandang mensahe

di kagaya ng aking pagtula
nagla-like ay talagang bihira
gayunman, sadyang nakatutuwa
kung Bruce Lee at martial art ang paksa

sa Bruce Lee F.B. group nilalagay
sa kanya'y may kinalamang tunay
lalo't paksa ko sa tula'y tulay
upang pag-igihan pa ang nilay

kahit papaano, salamat, Bruce
pagkat post ko'y nila-like nang lubos
di ko man sila kilalang taos
katuwaan sa puso ko'y tagos

- gregoriovbituinjr.
07.25.2023

Walang komento:

Mag-post ng isang Komento

Bigla ang pagbuhos ng ulan

BIGLA ANG PAGBUHOS NG ULAN bigla ang pagbuhos ng ulan habang paalis sa tahanan animo'y may bagyo na naman at magbabaha ang lansangan may...