AYOS LANG MAGPALITRATO KAHIT TATLO
bakit sinuswerte ang mga trio sa litrato
may nakikita ba kayong kakaiba sa tatlo?
gayong nakakapagpaligaya sila ng tao
wala bang masama kung tatlo sila sa litrato?
marami kasing pag tatlo ay ayaw magpakodak
malas daw, baka isa sa kanila'y mapahamak
partner daw ang dalawa o apat, parang iindak
ang ikatlong walang partner ba'y gagapang sa lusak?
walang patunay sa ganyang lintik na pamahiin
maraming sikat na trio nga'y naririyan pa rin
silang tatlo ang partner, tatlong magkapalad man din
maraming tatlong nagpalitrato'y ating banggitin:
Barry, Robin at Maurice Gibb ng Bee Gees ay sikat na
dahil sa kanilang nakapagpapasayang kanta
Tito, Vic, and Joey ng Eat Bulaga'y nariyan pa
The Three Stooges: Curly, Larry and Moe ng komedya
nariyan din ang sikat na Apo Hiking Society
ang grupo ng mang-aawit na Peter, Paul and Mary
sikat silang tatluhan, walang trahedyang nangyari
kaya ayos lang magpalitrato, tatlo man ini
sa buhay na ito'y magsikap upang di umalat
upang araw sa silangan mo'y patuloy ang sikat
kaya pamahii'y huwag paniwalaang sukat
pagkat maraming tatlo sa litrato ang sumikat
- gregbituinjr.
Mag-subscribe sa:
I-post ang Mga Komento (Atom)
Bigla ang pagbuhos ng ulan
BIGLA ANG PAGBUHOS NG ULAN bigla ang pagbuhos ng ulan habang paalis sa tahanan animo'y may bagyo na naman at magbabaha ang lansangan may...

-
ANG LABANDERO pag tambak na ang labada gawain ko ang maglaba damit ng anak, asawa, damit ng buong pamilya Perla ang gamit kong sabon at wala...
-
SONETO SA TANAWIN nakasasabik pagmasdan ang magandang tanawin na kung isa ka lang agila'y nais mong liparin at pitong bundok na matatari...
-
ANG LIBRO thirty five pesos lang ang libro sa BookSale ko nabili ito bakasakali lang matuto sa taong binabanggit dito pamagat ng libro...
Walang komento:
Mag-post ng isang Komento