bumili na naman daw ako ng palaisipan
pagkain ng utak, imbes na pagkain ng tiyan
walang ibang palipasang oras kundi sagutan
ang biniling sudoku't krosword kapag tanghalian
anong magagawa ko't nasasarapang sumagot
sa maraming palaisipang dati'y di ko abot
ngayon, pag di alam, ang ulo'y kinakamot-kamot
animo'y nasa kuko ang sagot na di mahakot
aba'y bilib din naman ako't nakakabuo rin
ang buong palaisipan ay nasasagot man din
sudoku, logic puzzle, krosword, pakaiisipin
animo'y di nagsasawa, araw-gabi mang gawin
halina't sagutan ang palaisipang narito
pampalipas ito ng oras at pampatalino
bakasakaling pampaganda pa rin ng araw mo
pag wala ka pang ginagawa'y sagutan mo ito
- gregbituinjr.
Mag-subscribe sa:
I-post ang Mga Komento (Atom)
Tanaga sa klima
TANAGA SA KLIMA Di palagay ang masa Sa nagbabagong klima: Noon daw: BAHALA NA. Sigaw ngayon: BAHA NA! - gregoriovbituinjr. 08.11.2026 * a...
-
PALIGSAHAN NA BA ANG PAGHULI NG KRIMINAL? paramihan na raw ng huli ng kriminal, sa ulat sabi ng bagong tinalagang hepe o namumuno sa PNP su... -
SiBaKa - sibuyas, bawang, kamatis ang agahan kasabay ng TaKam o talbos ng kamote naman pawang pampatibay pa ng resistenya't katawan aba... -
anong ipagsisipag kung wala namang gagawin? sasabihan kang tamad sa di mo naman tungkulin? magsisipag ka talaga kung may trabahong angkin ...
Walang komento:
Mag-post ng isang Komento